Ndër zërat e parë që reagoi kundër thirrjes së opozitën dje në PE, për përjashtimin e Taulant Ballës ishte drejtuesja e Komisionit Europian, Monica Macovei.
Macovei, njëherësh përfaqësuese e Rumanisë në BE, reagoi akuzave të demokratit Genc Pollo. Ajo tha se asnjë nga akuzat nuk qëndron sa kohë drejtësia shqiptare nuk ka thënë ende fjalën e fundit.
Po ashtu, zonja Macovei nuk ngurroi t’i kujtonte opozitës që në takim erdhën me paratë e shqiptarëve për të ngrënë një drekë.
Kur bëjnë gabime kur bojkotojnë parlamentin, këto janë kundër vlerave europiane. Nëse kërkojmë dialog konstruktiv, ku është ai?! Ata erdhën në këtë takim me paratë e shqiptarëve për të ngrenë një drekë dhe më pas ikën. Ne këtu flasim për të ardhmen e shqiptarëve.
Shqipëria duhet të plotësojë 5 kushtet për të hapur negociatat me Shqipërinë. E kam thënë disa herë në Shqipëri është koha që të gjitha partitë të jenë bashkë, për të mirën e qytetarëve shqiptarëve. Ju të gjithë bashkë duhet të jeni bashkë në Parlament, nëse nuk e bëni këtë nuk i shërbeni shqiptarëve.”
E pas këtij debati, Macovei si duket e ka zbutur pak situatën teksa i ka dhënë një dhuratë Taulant Ballës, ku ky i fundit e ka publikuar në Instagram.
Mirëpo kush është Monica Macovei? Për të shkuarën e saj ka gërmuar gazetari Armand Maho. Ai shkruan se Macovei është një nga më të besuarat e manjatit George Soros. Ndërsa përballet me një sërë kritikash për Reformën në Drejtësi që është kryer në vendin e saj.
