Presidenti Meta i ka kthyer përgjigje komisionit të mbledhur për shkarkimin e tij , ku ndër të tjera thuhet se nuk mund të jetë në seancën e sotme për shkak të axhendës së ngjeshur që ka, por shprehet i gatshëm për të shkuar në 10 maj para komisionit, në Ditën Kombëtare të Drejtësisë.
“Kjo datë, 10 maj 2021, përveçse përkon me një ditë të lirë në agjendën e tij, përkon edhe me Ditën Kombëtare të Drejtësisë Shqiptare. Nuk do të kishte një moment më të përshtashëm që një aktivitet i tillë i përbashkët, të zhvillohej në një ditë kaq të rëndësishme për Shqipërinë, që evokon përpjekjet e parreshtura të shtetit shqiptar për shtetin e së drejtës!”
