Ka nisur mbledhje e Këshillit të Mandateve, ku po shqyrtohet heqja e imunitetit për t’i lërë rrugë arrestimit të deputetit Saimir Tahiri.
Në fillim të mbledhjes, Tahiri ka sqaruar se do të përfaqësohet nga avokati i tij Artan Hajdari. Përfaqësuesi i Prokurorisë së Krimeve të Rënda ka kërkuar që kjo mbledhje të bëhet me dyer të mbyllura. Kërkesa e Hajdarmataj është refuzuar si nga pala e djathtë, edhe nga ajo e majtë.
Alibeaj ka kërkuar që në çastin që Prokuroria do të tregojë provat sekrete, mbledhja të mbyllet për median dhe më pas të hapet sërish, si një e drejtë e opinionit publik për të ditur çfarë ndodh.
“Nuk po e bëjmë këtë për show mediatik”, ka thënë ndër të tjera Hajdarmataj, ndërsa Ruçi ka pranuar kërkesën e Alibeajt.
REPLIKAT:
Ruçi: Sipas nenit 118 të rregullores parashikon duke përcaktuar se kërkesa për arrestimin i paraqiten kryetarit të kuvendit nga prokuroria, kryetari ia dërgon kërkesën dhe vë në dijeni deputetit.
Në zbatim të rregullores, kam thirrur mbledhjen në orën 11:00 për të shqyrtuar kërkesën. I janë shpërndarë kërkesa e prokurorisë të gjithë anëtarëve të këshillit, i është vënë në dispozicioni deputetit Tahiri.
Tahiri për procedura: me duhet të them se përfaqësohem nga avokati Artan Hajdari
Kam disa kërkesa paraprake para se të fillojë ky shqyrtim:
Ruci: Do ta fillojmë me kërkesën.
Çuçi: kur bëhet fjalë për vlerësime procedurale të kërkesës së prokurorisë, mendoj që duhet të parashtrohen dhe të dëgjohen kërkesat paraprake nëse ka, jo vetme nga avokati, por edhe nga ana e prokurorisë.
Duhet t’i japim të drejtën palëve për kërkesën paraprake.
Alibeaj: Nuk jemi një organ kuazi gjyqësor, sipas rregullores së parlamentit rregulli është ai që tha kryetari. Boll kohë i është lënë palës mbrojtëse për të prishur provat.
Ruçi: Lidhur me kërkesat, do t’i dëgjojmë dhe më pas këshilli do marrë vendimin përkatës. Mund të fillojmë nga mbrojtja:
Besim Hajdarmataj: Përfaqësoj kërkesën e paraqitur nga Prokuroria. Në tashmë kemi paraqitr një kërkesë që ditën e djeshme në lidhje me arrestimin deputetit Tahiri, duke iu referuar edhe dispozitave kushtetuese, nenit 73 të tij, paraprakisht i kërkojmë komisionit që kjo seancë të zhvillohet me dyer të mbyllura.
Kemi ardhur me një kërkesë serioze, kemi dokumentacionin me vete, nuk kemi ardhur për të bërë show mediatik, kërkoj që çdo gjë të zhvillohet në përputhje me rregullat dhe me kushtetutën.
Një kërkesë e tillë parashikon edhe kushtetuta në nënin 73, pika 3 e saj e cila totë që kuvend, ka të dhëna që lidhen me sekretin hetimor, ky këshill të vendosë me shumicë votash në lidhje me kërkesën përkatëse.
Alibeaj: I jap të drejtë prokurorisë, është një kërkesë e drejtë nga pikëpamja e prokurorisë, por mbledhja e keshillit të mandateve është një kërkesë e publikut që kjo të jetë e hapur, publiku duhet të dijë. Propozimi ynë: të mund të zbatohen të dyja kërkesat për të informuar publikun.
Kërkesa e prokurorisë të ecë, dhe ka të drejtë prokurori që bazuar në argumenta faktike që përbëjnë sekret hetimor, t’i kërkoni këshillit që për një pjesë të caktuar të zhvillohet me dyer të mbyllura./ Tirana Today
