Në mbledhjen e Këshillit të Lartë të Prokurorisë po diskutohet edhe për ngritjen e Strukturës së Posaçme AntiKorrupsion.
Kjo strukturë e re është kërkuar të ngrihet me tetë prokurorë që kanë kaluar dy shkallët e vetting-ut. Ndërsa dy të tjerët, për të plotësuar dhjetëshen, të jenë prokurorë të përkohshëm ose të komanduar.
Sipas Kushtetutës, ngritja e SPAK kërkon jo më pak se dhjetë prokurorë për të nisur punën me dosjet e para.
KLP ka listuar 15 kandidatë, tashme 8 prej tyre të vetuar me vendim të formës së prerë, 1 prokuror Ndini Tavani është tërhequr nga gara dhe tashmë është rrëzuar nga vetting-u, kurse Besnik Muçi është zgjedhur anëtar në Gjykatën Kushtetuese.
Sakaq, në mbledhjen që po mbahet sot, Kosta Beluri propozon të shtohet në rendin e ditës miratimi i raporteve të vlerësimit për 2 kandidatë të pranuar në formimin fillestar në Shkollën e Magjistraturës, Blerina Musabelliu dhe Urim Kalia. Ky propozimi u pranua me 10 vota pro dhe 1 kundër.
