Ish-ministri Lefter Koka ka dëshmuar në SPAK për 3 orë e 30 minuta lidhur me inceneratorin e Fierit. Në dëshminë e tij, Koka ka thënë se i ka zbatuar të gjitha procedurat, dhe se nuk i njeh shoqëritë e inceneratorit të Fierit. Ai tha se duhet ta gjejë SPAK se kush janë shoqëritë që kanë marrë lekët. “Nuk kam shpërdoruar detyrën. Kam zbatuar të gjithë procedurën dhe kërkesat ligjore. Për shpronësimin, është ngritur një Komision i Posaçëm”, mësohet të shprehur ish-ministri.
Lidhur me procedurat për shpronësimin nga tokë arë në truall, ka deklaruar se ajo pronë nuk është trajtuar kurrë si truall, por si tokë are e shpronësuar. Ish-ministri Lefter Koka akuzohet nga SPAK se ka përfituar rreth 5 mln euro nga inceneratorët e Fierit dhe Elbasanit.
Më 14 dhjetor 2021, SPAK arrestoi ish-ministrin Lefter Koka si të përfshirë në aferën e inceneratorit të Elbasanit dhe atë të Fierit, duke përfituar rreth 5 milionë euro.
