Groposja e shpendëve të ngordhur për ditë me radhë, ka shtuar frikën tek konsumatorët nëse duhet të vijojnë të konsumojnë mishin dhe vezët. Ndonëse nga instancat e larta kanë garantuar konsumatorin, ende frika mbetet.
Në të gjithë vendin deri më tani kanë ngordhur si pasojë e gripit të paktën 382 mijë shpendë.
Lajmin e bëri të ditur zv/ministrja e Bujqësisë, Ermira Gjeci, e cila tha se nga produktet e mishit të pulës dhe vezët nuk ka probleme nëse blihen nga operatorë të certifikuar dhe gatuhen në temperaturat e larta.
