Aktori i humorit, Gazmend Paja, ka reaguar për herë të parë lidhur me lajmin se ka marrë tokë në Dhërmi për “investim strategjik”. Ai pretendon se nuk ka përfituar asnjë centimetër tokë nga shteti, duke shtuar se kompanitë Startek dhe Ecotech kanë nënshkruar një marrëveshje me një kompani të huaj, dhe e kanë blerë truallin nga privati.
Më pas, ai shkruan se ka aplikuar si investitor strategjik. Në komentin e tij të shpërndarë në rrjetet sociale, ai thotë se shkrimet kundrejt tij janë veçse shpifje të tupshme dhe të motivuara politikisht.
Po si qëndron e vërteta sipas tij?! Kompanitë Startek dhe Ecotech kanë nënshkruar një marrëveshje me një kompani të huaj, të specializuar në fushën e turizmit për ndërtimin e një resorti turistik. Për këtë arsye kanë vënë në dispozicion një pronë të cilen e kanë blere nga pronarë të ligjshem si dhe asete financiare te garantuara nga bankat. Më tej kanë aplikuar për investitor strategjik.
Reagimi nga aktori
NUK KAM PERFITUAR ASNJE CM2 TOKE NGA SHTETI. Ne vijim te shpifjeve te turpshme dhe te motivuara politikisht qe qarkullojne ne Media, deshiroj te sqaroj opinionin publik per sa vijon: Kompanite Startek dhe Ecotech kane nenshkruar nje marrveshje me nje kompani te huaj, te specializuar ne fushen e turizmit per ndertimin e nje resorti turistik.
Per kete qellim, kemi vene ne dispozicion nje prone te Cilen e kemi blere nga pronare te ligjshem si dhe asete financiare te garantuara nga Bankat.
Kemi aplikuar per investitor strategjik, si nje e drejte qe na jep ligji ne baze te vleres se investimit. Kushti Ligjor per marrjen e statusit te mesiperm Eshte : dakortesia me gjithe pronaret e ligjshem te pronave ne kete zone, ku me nje pjese te pronarve Jane nenshkruar marrveshjet perkatese, Ndersa me pjesen tjeter jemi ende ne faze negocimi. PERGENJESHTROJME me force shpifjet ne qarkullim dhe theksoj se: qe nga fillimi i ketij procesi e deri me sot, nga ana jone, NUK ESHTE PERFITUAR ASNJE CM2 TOKE SHTETERORE.
View this post on Instagram
