Kryeministri Edi Rama dhe kreu i PD-së, Lulzim Basha, kanë mbi 2 orë në takimin që po zhvillohet në Presidencë.
Teksa të gjithë presin nëse ky takim do të rezultojë me arritjen e një marrëveshjeje mes palëve, City News shkruan se ka zbuluar ofertën që mazhoranca ka për opozitën, për zgjidhjen e krizës politike.
Mësohet se Rama i ka ofruar Bashës, qeveri teknike me Edi Ramën kryeministër. Sipas burimeve, oferta e Ramës shkon nga 6-8 ministra teknikë, të zgjedhur nga Lulzim Basha, por edhe përfshirje të partive të tjera në kabinet qeveritar, për periudhën që çon vendin në zgjedhje.
Ndryshe nga oferta e parë, ku Basha propozonte emrat dhe ata i zgjidhte Rama, këtë herë do të jetë vetë PD që do të vendosë për ministrat e saj në kabinet. Kjo ofertë është në diskutim, por ende nuk ka asnjë të dhënë nga takimi, shkruan CityNews.
