OSHEE bën me dije se një pjesë e plazhit të Drimadhes ka mbetur pa energji elektrike këtë të shtunë.
Sipas njoftimit, shkak për këtë është bërë një subjekt privat, i cili ka dëmtuar rrjetin e tensionit të mesëm.
“Një pjesë e zonës në Drimadhes (Dhërmi) është pa energji elektrike, pasi një subjekt privat dëmtoi rrjetin e tensionit të mesëm. Aktualisht, në terren ndodhet brigada e emergjencës për riparimin e avarisë”, thuhet në njoftim.
