Kylian Mbappe u shpall lojtari më i mirë i ri i Botërorit të Rusisë, duke shënuar gol edhe në finale ashtu si Pele. Tani 19-vjeçari është kampion bote dhe emri i tij është shumë i lakmuar në mekato. Zërat më të shumtë e lidhin atë me një kalim në Madrid, tek Reali, aq më shumë tani që u largua edhe Ronaldo.
Por Mbappe pasi ngriti në qiell Kupën e Botës ka konfirmuar edhe njëherë se ai nuk ka ndërmend të largohet nga Parisi dhe kjo nuk ka asnjë dyshim. “Unë do të qëndroj 100% tek PSG, nuk ka asnjë dyshim!”, tha ai.
Real Madrid është në kërkim të një futbollisti që të zëri hapësirën e krijuar nga largimi i Ronaldos. Fillimisht klubi hodhi poshtë pistën Neymar, ndërsa tani edhe Mbappe ka hedhur poshtë mundësinë e kalimit. Duket se madrilenët i kanë kthyer sytë nga belgu, Hazard i cili zhvilloi një Botëror fantastik.
