Presidenti i SHBA-ve, Donald Trump, ka mbajtur ditën e premte një funeral privat në Shtëpinë e Bardhë, në nder të vëllait të tij të vogël, Robert, që vdiq javën e kaluar.
Donald dhe Melania Trump duken të shkatërruar në fytyrë teksa shohin punonjësit e agjencisë funerale që mbajnë arkivolin e Robert.
Në një moment, Presidenti mbylli sytë dhe qëndroi ashtu për një moment para arkivolit të të vëllait. Zonja e Parë, e veshur komplet me të zeza, i qëndronte pranë bashkëshortit të saj për ta ngushëlluar dhe duke kapur dorën e tij.
Kjo është hera e parë që një funeral mbahet në Shtëpinë e Bardhë, selinë e qeverisë amerikane, që prej vrasjes së Presidentit John Kennedy në vitin 1963.
