Sot anëtarët e Komisioni i të Jashtëm, bën seancën dëgjimore në Presidencë, ku si pala e opozitës dhe mazhorancës ranë dakord me Presidentin Meta dhe me faktin se duhet të merren të gjitha informacionet dhe masat paraprake për të arritur një marrëveshje të mirë me shtetin fqinj.
Grupi i Komisionit të Jashtëm thanë se pasi dëgjuan komunikimin nga Presidenti, ranë dakord me këmbënguljen e Metës kundrejt Ministrisë së Jashtme. Të gjithë deputetët e pranuan që të ketë një verifikim për 12 personazhet të përcaktuar si negociatorë të marrëveshjes shqiptaro-greke, por edhe i këmbëngulën faktit se duhet të ketë specialistë të fushës në këtë grup të negociatorëve.
Të pyetur nga gazetarët, si kryetarja e komisionit, Mimi Kodheli dhe Edi Paloka, mbështetën idenë që ministri Bushati duhet të japë informacione shtesë në lidhje me bisedimet e bëra deri më tani në Kretë dhe Korçë. Ndryshe nga socialistët, që kërkojnë që kjo çështje të zgjidhet midis dy palëve dhe konform Gjykatës Kushtetues, opozita jep mendimin e dërgimit të çështjes në Gjykatën e Hagës. Një gjë të tillë e ka deklaruar Tritan Shehu, i cili nuk është ndër të parët demokratë që e kanë sugjeruar këtë gjë.
“Ramë të gjithë dakord që qëndrimi i presidentit është qëndrimi korrekt”, tha Edi Paloka, anëtar i komisionit të jashtëm, PD.
“Ndamë të njëjtin opinion me presidentin lidhur me nevojën dhe domosdoshmërinë absolute që kjo marrëveshje të mos dështojë”, u shpreh Mimi Kodheli, kryetare e komisionit të jashtëm, PS.
“Pati dhe kërkesa për një verifikim shumë më të mirë të grupit negociator”, tha Paloka.
“Grupit negociator mund ti atashohen edhe profesorë të të drejtës ndërkombëtare, apo profesor të fushës ligjore, mund të mos jenë pjesë e grupit negociator, por këshilltar të mirë”, vijoi Kodheli.
Kryetarja socialiste e Komisionit të Jashtëm Mimi Kodheli bëri një pohim të qartë, kur tha se marrëveshja e kufirit detar Shqipëri-Greqi është më e rëndësishmja për hapjen e negociatave për anëtarësim me BE-në.
“Moment historik që ndodhet Shqipëria sot e bën këtë marrëveshje mbase më të rëndësishme të qeverisë shqiptare me qeverinë greke”, tha Mimi Kodheli, kryetare e komisionit të Jashtëm, PS.
Demokratët, marrëveshja e të cilëve u rrëzua nga Gjykata Kushtetuese, vazhdojnë të nxisin idenë që kufiri të përcaktohet nga Gjykata Ndërkombëtare e Drejtësisë.
“Zgjidhja racionale është çuarja e kësaj dosje në mirëkuptim nga pala greke në Gjykatën Ndërkombëtare të Drejtësisë në Hagë”, tha Tritan Shehu, nënkryetar i komisionit të jashtëm, PD.
“Për aq kohë sa ne kemi rënë dakord që do të hyjmë në marrëveshje me qeverinë greke nuk shikoj asnjë arsye pse çështja duhet të shkojë në Hagë”, vijon Kodheli.
“Të zbatojmë me përpikëri vendimin e Gjykatës Kushtetuese. Do ta bëjë të gjithë marrëveshjen me palën greke të pakontestueshme”, tha Klajda Gjosha, nënkryetare e komisionit të jashtëm,LSI. Tirana Today
