Sot Kuvendi miratoi ndryshimet në Kodin e Ri Zgjedhor, miratim që u bë pa konsensusin e opozitës jashtëparlamentare. Sakaq, mazhoranca u akuzua pas kësaj se ka blerë votat e deputetëve të opozitës së re në Parlament. Lidhur me këto akuza, Damian Gjiknuri tha në emisionin “Open” se këto janë veçse spekulime.
“Ne nuk do prisnim pafund opozitën, Kushtetuta u ndryshua dhe duhej të reflektoheshin në Kod. Janë spekulime akuzat për blerjen e votave. Aty u arrit një marrëveshje, u bë një kompromis i madh, sikurse i përket pragut që 1% i leverdis partive të vogla dhe ju plotësua dhe një kërkesë që liderët e partive mund të kandidojnë në katër zona. Në një ligj elektoral, jo të gjitha palët marrin atë që dëshirojnë”, tha Gjiknuri.
