Ai është i pamposhtur në ring, pasi ka triumfuar në 50 përballjet që ka zhvilluar në boks. Amerikani Floyd Mayweather ka filluar një nismë bamirësie dhe kërkon që kjo të ndiqet nga të gjithë njerëzit e famshëm. Ai ka ndalur makinën, ka ndezur celularin dhe ka filmuar momentin kur ka vendosur t’i dhurojë 1 mijë dollarë një invalidi të pastrehë, që qëndronte anës rrugës në një natë, duke kërkuar lëmoshë.
Natyrisht që invalidi e ka falënderuar Mayweather për këtë gjest bujar, duke e përqafuar. “Do të jap mbrapsht paratë. Dhe kërkoj që të gjithë personat e famshëm të ndjekin këtë nismë timen, të kthejnë paratë mbrapsht tek këta njerëz. Kjo është sfida e kthimit mbrapsht të parave, për t’ua dhënë ato qytetarëve amerikanë ne nevojë”, ka thënë Mayweather, teksa filmonte veten duke bërë këtë gjest bamirësie.
