Zëvendëskryeministri italian dhe njëherësh ministri i Brendshëm, Matteo Salvini ka ‘uzurpuar’ rrjetet sociale, pas një video ku shfaqet si DJ, duke argëtuar me muzikë pushuesit.
Në një moment, personat që ishin prezent në klubin ku po luante Salvini, kënduan bashkë me të himnin kombëtar. Komentet e qytetarëve italianë nëpër rrjete sociale kanë qenë të llojeve të ndryshme. Disa e shijuan veprimin e tij, duke e lavdëruar për shpirtin rinor që mbart, e ndërsa të tjerë e kanë kritikuar, pasi e konsiderojnë jo diçka serioze nga ana e tij si ministër.
Nuk është hera e parë që Salvini ‘shndërrohet’ në DJ, pasi ai u shfaq fillimisht dy vjet më parë, në plazhin e Milano Marittima.
