Masivë dherash dhe gurësh kanë bërë aksin Librazhd-Elbasan të pakalueshëm. Terreni i pjerrët dhe shirat e dendura gjatë natës kanë bërë që masivë gurësh të bien në trasenë e rrugës kombëtare Librazhd-Elbasan, në zonën e njohur si “Kthesat e Murrashit”.
Fatmirësisht, në momentin që ka ndodhur ngjarja rruga nuk ka pasur asnjë makinë në qarkullim. Aktualisht, rruga e bllokuar dhe të gjitha makinat po lëvizin vetëm me një korsi. Pritet që në orët në vijim të bëhet pastrimi i plotë i rrugës.
Shirat e mbrëmshme kanë krijuar vështirësi qarkullimi në shumë akse kryesore të vendit.
