Emri i tij është i njohur për median, pasi në gusht të vitit të kaluar ai masakroi kushëririn e tij 12-vjeçar. Bëhet fjalë për Jorgo Zanin, një 31-vjeçar me probleme mendore, i cili masakroi me thikë 12-vjeçarin me të cilin kishte lidhje gjaku, të cilin pas vrasjes, i preu kokën.
Minoreni banonte në Greqi dhe kishte ardhur për pushime në Palasë tek gjyshja. Autori i këtij krimi në fshat njihej si person me probleme mendore.
Ngjarja tronditi mbarë Shqipërinë, ndërsa sot policia ka njoftuar se autori i krimit të rëndë i ka dhënë fund jetës së tij në burg, ku po vuante dënimin.
Ai është ngjitur nëpërmjet shufrës së hekurit rrufe-pritës dhe është hedhur nga tarraca e katit të dytë, duke ndërruar jetë.
