Policia ka njoftuar nisjen e hetimit për 7 persona të akuzuar për aktivitete të paligjshme, të prodhimit të gurit gëlqeror, pllakator në territorin e Parkut Kombëtar të Tomorrit.
Në kuadër të Plan Veprimit për parandalimin e aktiviteteve të paligjshme të prodhimit të gurit gëlqeror, pllakator në territorin e Parkut Kombëtar të Tomorrit, Seksioni për Hetimin e Krimit Ekonomik e Financiar në Polici në bashkëpunim me Administratën Rajonale të Zonave të Mbrojtura, referoi materialet në Prokurorinë e Rrethit Gjyqësor Berat për shtetasit:
I.L. – 42 vjeç, banues në Poliçan;
B.L. – 43 vjeç, banues në Berat;
C.Q. – 41 vjeç, banues në Poliçan;
A.B. – 32 vjeç, banues në Çorovodë.
S.Q. – 59 vjeç, banues në Tiranë.
J.D. – 45 vjeç, banues ne Berat.
N.Q. – 42 vjeç, banues në Bogovë, Skrapar.
Ata janë konstatuar duke ushtruar aktivitet minerar në zonën e mbrojtur në Malin Tomorr, Skrapar. Në cilësinë e provave materiale janë sekuestruar makineri, mjete dhe vegla pune që shërbenin për ushtrimin e këtij aktiviteti.
Materialet hetimore do t’i kalojnë Prokurorisë Pranë Gjykatës së Shkallës së Parë Berat për veprat penale “Fshehja e të ardhurave”.
