Një ditë më parë në Teksas një person qëlloi për vdekje 26 persona shumë prej tyre anëtarë të një familjeje. I identifikuari nga policia si Devin Patrick Kelley, një baba i martuar, hyri në Kishën e Parë Baptiste të Sutherland Springs, i veshur me rroba të zeza dhe i armatosur nisi të qëllojë mbi njerëzit të cilët po luteshin gjatë meshës të së dielës.
Sulmuesi u ndal vetëm kur Kelley, i cili jetonte në një periferi të San Antonio, u përball me heroin lokal Stephen Willeford, i cili e shtiu agresorin në tokë. Por bëhet e ditur se Kelly u vra nga një person i guximshëm që ishte aty. Thuhet se bilanci tragjik i kësaj ngjarje ka qenë për një familje, ku tetë anëtarë të saj mbetën të vrarë, ku në mesin e tyre ishte dhe një nënë pesë muajsh shtatzënë dhe tre nga fëmijët e saj, ka thënë një i afërm për CNN, por pa zbuluar identitetin e viktimave.
Po ashtu detaje të tmerrshme ka dhënë edhe Sheriffi i Qarkut Wilson Joe D. Tackitt Jr. “Ai po ecte poshtë rrugës të qendrës, u kthye po gjuante në rrugën e tij prapa. Është e pabesueshme të shohësh fëmijë, burra dhe gra të cilët gjendën të shtrirë në rrugë pambrojtur”. “I dyshuari pas sulmit e hodhi armën e tij, e cila ishte një pushkë sulmuese Ruger AR, dhe iku me vrap nga kisha”, tha Martin. “E shihnim makinën e tij dhe po i afroheshim. Po ecnim me 95 (milje në orë) për ta arritur kur ai humbi kontrollin e makinës së tij dhe ra në kanal”, vazhdoi Langendorff. Zotëria që ishte me mua doli nga makina, mbështeti pushkën dhe ia drejtoi atij, duke i thirrur të dilte jashtë. Nuk pati asnjë lëvizje. Dritat e frenave ndizeshin e fikeshin, kështu që mund të ketë qenë pa ndjenja nga rënia apo diçka e tillë, nuk jam i sigurt”. “Për momentin nuk e dimë nëse vrau veten apo ishte ndonjë plumb i banorit vendas”, tha Martin.
