Sherri në banesën e Marsida Qatjas, ku si pasojë mbeti i vrarë Dritan Hoxholli dhe u plagos Bledar Toçi, tronditi mbanë vendin. Ajo që tërhoqi më shumë vëmendje ishte se në banesë ishte konsumuar alkool edhe drogë.
Marsida Qatja ka thënë për “News24” se nuk janë të vërteta ato informacione që janë servirur në media.
“Ndjehem shumë keq. Jo pa qëllim doja të kontaktoja me ju, sepse nuk janë të vërteta fare që ishte ish i dashuri. Personi na kërcënonte, i binte dritares.
Kërkova ndihmën e Bledarit, meqë ishim shokë. Nuk mendoja se do arrinte situata deri këtu.
Bledari tha se do më ndihmonte, meqë isha femër e vetme, me fëmijë.
Dritani i ra dritares me armë, unë i kërkova të hynte brenda. Ai filloi të qëllonte. Do na vriste dhe mua me djalin e vogël dhe Bledin, nuk kishte fëmijë e njerëz të tjerë brenda”, tha Qatja.
