Krimi i djeshëm i Rivdan Zykajt, i cili vrau 8 persona nga dy familje të një fisi tronditi gjithë Vlorën dhe opinionin publik shqiptar. Pas kësaj tragjedie të gjithë janë duke kërkuar shkakun e vërtetë, që deri më tani nuk bërë zyrtar nga ana e autoriteteve shtetërore.
Megjithatë, të afërm dhe bashkëfshatarë të Zykajt flasin mbi precedentët e mëparshëm të vrasësit.
Sipas tyre, ai nuk rezulton të ketë pasur kartelë mjekësore, edhe pse sipas afërmve të tij, Zykaj ishte kuruar në Tiranë për të frakturë të shkaktuar nga djegia.
Një i moshuar i fshatit Resulaj, Safeti, rrëfen se nuk ka qenë në dijeni të ndonjë konflikti midis Zykajt dhe kushërinjve të tij, edhe pse në shumë raste ka rezultuar e kundërta, ku autorit të krimit i ishte bërë thirrje më parë që të mos konfliktohej me të afërmit e tij, veçanërisht me kushërinjtë.
Por, i moshuari jep një detaj tjetër që mbetet ndër më të rëndësishmit. Sipas tij, Ridvan Zykaj ka pasur më parë precedentë penalë, pasi ishte ndaluar dhe dënuar për armëmbajtje pa leje, edhe pse policia e hedh poshtë një version të tillë.
Gjithashtu, i moshuari Safet shton se pas këtij akti makabër ‘fshihet’ i ati i Ridvanit, i cili sipas tij, nuk është treguar i kujdesshëm me të birin, pasi ky i fundit ishte shumë i papjekur.
“Ishin njerëz të mirë. Për konflikte nuk di gjë. S’kanë pasur debate më parë. Motivi është papjekuria. Ai nuk ka menduar se ku do dalë. Nuk më shkon mendja se ka qenë e planifikuar. Për mua ishte djalë i mirë. Nuk kisha dëgjuar për konflikte. Unë kam këtë tokën këtu, dhe ia kisha lënë Azemit për të kullotur bagëtitë. Kisha 2 muaj pa ardhur këtu. Mbanin armë pa leje dhe qëllonin nga lumi. Ishte dhe në burg ai, disa muaj apo një vit për armëmbajtje pa leje. Unë si Safet mendoj se babai ka fajin kryesor. Nëse më bën diçka fëmija. Ai ishte pak nevrik. Unë i thoja; Jovan Bregu këtij (autorit). Nuk e njihnim për pijanec”, tha i moshuari për News 24.
https://tiranatoday.com/krimi-makaber2-femije-dhe-3-gra-ne-mesin-e-8-te-vrareve-ne-masakren-e-vlores/
