Seanca e radhës gjyqësore për autorin e masakrës së Selenicës, Ritvan Zykaj, do të zhvillohet në datën 16 prill. Burimet bëjnë me dije se seanca do të ndalet në marrjen në pyetje të familjarëve të viktimave, por që njëkohësisht janë edhe të afërm të Zykajt. Prokurori i çështjes Saimir Smaka, ka konfirmuar se dosja i ka kaluar prej pak muajve Gjykatës se Faktit Vlorë, pas mbledhjes së dokumentacionit.
Masakra e Selenicës ndodhi në datën 10 shkurt, në fshatin Resulaj të Selenicës, ku Ritvan Zykaj vrau me armë zjarri tetë persona, nga të cilët dy të mitur. Në deklaratat e tij të para, autori i masakrës ka deklaruar se i vrau, pasi e akuzonin për vjedhjen e pulave.
