Të tjera detaje kanë dalë në dritë lidhur me ekzekutimin e çiftit dhe vajzës së tyre të vogël, nga vajza më e madhe e familjes, ngjarje e ndodhur me datë 26-gusht. Vajza e madhe e familjes Blerta Pocesta, ka pranuar krimin e rëndë duke treguar edhe arsyen. Sipas shtypit maqedonas vajza ka dëshmuar në polici së prindërit e kishin penguar që të martoj.
“E akuzuara ka pranuar se vrasjen e organizuar pikërisht ajo. Po hetohet pistoleta, e cila ishte blerë nga Ferdi G. 31-vjeçar nga Gostivari, ndërsa ishte në pronësi të dajës së tij, Veap M. 66-vjeçar nga Dibra, gjithashtu i akuzuar në këtë vrasje të trefishtë. Arsyetimi i 28-vjeçares para punonjësve të policisë ka qenë se, prindërit e kanë penguar të martohej me personin qe donte”, thonë zyrtarë të policisë.
Por, nga ana tjetër nipi i familjes, Amir Findo nga Dibra i cili jeton në Itali, ka zbuluar të dhëna të reja. Sipas nipit të familjes ngjarja ka ndodhur për refuzimin e lidhjes që vajza kishte me një 31-vjeëar, i cili tashmë është arrestuar së bashku me një shtetas tjetër, ku akuzohen si bashkëpunëtor të krimit.
“Ne nuk do të na japin një shpjegim për këtë krim. Për Blertën prindërit kanë bërë shumë sakrifica. E kanë ndihmuar që të ndjekë studimet dhe diplomohet”, është shprehur nipi i familjes, i cili më tej ka hedhur poshtë të gjitha hipotezat e bëra publike nga shtypi italian dhe ai maqedonas. Ai është shprehur se ngjarja nuk ka lidhje me krimin e organizuar apo edhe për çështje financiare. Sipas tij, daja nuk kishte pranuar lidhjen e Blertës me 31-vjecarin i cili është bashkëpunëtor në këtë krim.
“Daja nuk pranoi lidhjen e Blertës me këtë djalin, sepse ka qenë i martuar dhe me fëmijë. Ky djali, Ferdi Malikoglu ka ndihmuar në kryerjen e vrasjes. Më tepër nuk di ç’të them, jam në Itali dhe nuk kam informacione më shumë për këtë person. Ka pasur lidhje sentimentale, daja im nuk e pranoi, kjo është dhe arsyeja e vrasjes mos pranimi”, rrëfehet për Frekuenca.com Amir Findo.
Ngjarja e rëndë ka ndodhur me 26 gusht në Dibër të Madhe të Maqedonisë, ku vajza e madhe e familjes Blerta Pocesta, ka vrarë me armë zjarri, prindërit dhe motrën. 28-vjecarja është arrestuar në Maqedoni pak ditë më parë. Familja shqiptare jetonte prej vitesh në Itali, dhe sipas mediave vendase ajo ka pranuar vrasjen e prindërve dhe motrës, ndërsa nuk ka rrëfyer arsyet që çuan në ekzekutimin e tyre./TIRANA TODAY/
