Presidenti Ilir Meta do të zhvillojë sot disa takime konsultimi me ish-presidentët e vendit. Këto takime vijnë pas letrës së ministrit për Evropën dhe Punët e Jashtme, Ditmir Bushati që të jepej plotfuqishmëri për nisjen e negociatave me Greqinë.
Pas takimeve gjatë ditës së djeshme ne Presidentin Bujar Nishani dhe Bamir Topi, sot pritet që të takojë tre ish-presidentët e tjerë për t’u konsultuar lidhur me marrëveshjen e qeverisë shqiptare me Greqinë.
Kështu, presidenti Meta do të presë sot Sali Berishën, Alfred Moisiun dhe Rexhep Meidanin e më pas pritet të marrë një vendim nëse do i japë plotfuqishmërinë qeverisë për marrëveshjen me Greqinë.
Kujtojmë se kjo marrëveshje bëri bujë të madhe, si dhe shkaktoi protesta teksa ministri i Jashtëm grek deklaroi në mediet fqinje se Shqipëria do i japë Greqisë 12 milje hapësirë detare.
Ndërkohë, nuk dihet ende se çfarë përmban marrëveshja konkretisht, teksa ka pasur një mungesë transparence ndaj publikut, duke i mbajtur disi të fshehta pikat për të cilat kanë rënë dakord dy qeveritë.
