Sekretari i Thesarit amerikan, Steven Mnuchin, shprehet se administrata e Donald Trump, vijon ta ketë listën e gatshme me sanksione ndaj Turqisë.
Në një intervistë në Arabinë Saudite, Mnuchin tha se presidenti Trump është i kënaqur me marrëveshjen e armëpushimit në Siri, nga e cila janë hequr disa nga sanksionet e mëparshme.
Sipas tij, nëse bisedimet me Ankaranë nuk do të ishin të suksesshme, sanksione financiare do të vendoseshin ndaj Turqisë.
“Përgjigjja është se ne ende kemi atë listë. Nuk kam asnjë arsye të pres që do të duhet ta përdorim, sepse jemi të kënaqur me mënyrën se si funksionon marrëveshja”, u shpreh zyrtari amerikan.
