Lëvizja Socialiste për Integrim u deklarua sot bashkautore me ndërkombëtarët në presionin që ushtroi tek maxhoranca për arritjen e marrëveshjes politike të 18 majit.
Nënkryetari Luan Rama shprehu kënaqësinë që, falë edhe ndikimit të vazhdueshëm të LSI-së, u arrit që zgjedhjet të mos ktheheshin në aventurë por të kemi një garë të hapur dhe të ndershme ku të gjithë janë konkurentë të barabartë.
“Lëvizja Socialiste për Integrim shpreh kënaqësinë që u përmbushën interesat dhe ambiciet e opozitës për qeveri teknike dhe garë të ndershme. LSI do të bëjë gjithçka për të shfrytëzuar maksimalisht besimin e qytetarëve dhe për të dalë forcë e parë nga këto zgjedhje”, tha Rama.
Ai shtoi se LSI do të vijojë të japë kontributin e saj për implementimin e plotë të marrëveshjes.
