Kryeprokurorja e përkohshme, Arta Marku tha se koha do të vërtetojë se sa e paanshme është ajo. Gjithashtu, ajo bëri në pyetje retorike nëse për situatën e krijuar në zgjedhjen e saj në kuvend nuk ishte faj i saj. Deklarata e Markut u bë gjatë një takim prezantues me gazetarët. Ky takim vjen pas akuzave të shumta, komenteve dhe lajmeve që kanë shoqëruar lëvizjet në prokurori. Kryeprokurorja nuk ka folur shumë në takim, por edhe nuk i ka shpëtuar një prononcimi të shkurtër për mediat.
“Ju uroj mirëseardhje, takimi është sa për t’u prezantuar ballë për ballë. nuk është konferencë për shtyp. Përgjigjeve tua do t’ju jap përgjigje një moment tjetër. Jo se nuk kam përgjigje, por jemi pak shpejt. Se sa e paanshme do jem, do duket nga puna ime, kështu që nuk është momenti që të flasim tani për këtë, thjesht për t’u prezantuar sot” ka thënë Marku.
Pavarësisht kujdesit të treguar, Marku nuk i ka shpëtuar një komenti për tensionin e krijuar jo vetëm në prokurori, por edhe në politikë.
“I kujt është faji për këtë tension që është krijuar? I imi?” dëgjohet të thotë në video, kryeprokurorja e zgjedhur me votat e Partisë Socialiste para gazetarëve.
Video e shpërndarë nga zyra e shtypit e Prokurorisë së Përgjithshme është dhe dalja e parë në publik e Arta Markut.
