Lajmi për arrestimi e të drejtorit të së ashtuquajturës “Zyrë për Kosovën e Metohinë” në Qeverinë e Serbisë, Marko Gjuriç në Mitrovicë i ka kaluar kufijtë e një lajmi për mediat serbe apo rajonale. Por lajmi bëhet akoma më hidhur për serbët kur mësojnë se në arrestimin e Marko Gjuriç kanë marrë pjesë dhe policë serbë.
Ministri i Punëve të Brendshme të Kosovës, Flamur Sefaj, ka thënë se në operacionin e sotëm në veri të Mitrovicës ku u arrestua Marko Gjuric kishin marrë pjesë edhe policët e komunitetit serbë. Deklaratat ai i ka bërë gjatë emisionit ‘Pressing’ në Tv7. Sefaj, i pyetur nëse në aksionin e arrestimit të Gjuriqit kishte policë serbë ai ka thënë se ‘policët e komunitetit serbë padyshim se janë pjesë e operacioneve’, duke pohuar se e njëjta ka ndodhur edhe sot.
Ministri shtoi se individualisht policët mund të kenë qëndrime, ndonjëherë edhe jobindese ndaj Kosovës, por Policia e Kosovës është e organizuar mirë dhe të gjithë policët janë të integruar në operacione.
