Kreu i Bashkisë, Erion Veliaj, gjatë fjalës së tij në edicionin e tretë të Maratonës së Tiranës, tha se në këtë edicion nuk do marrë pjesë, pasi dje u bë me djalë.
“Dua tu kthej përgjigje të gjithë atyre që më pyesin a do marr pjesë këtë vit në garë. Dje unë u bëra me djalë. Kur të gjithë të vraponi drejt, unë do vrapoj në maternitet. Por vitin tjetër do jem me patjetër”, tha Veliaj.
Me mjaft kërshëri ishte edhe emri i djalit, për të cilën lëshoi batutën e radhës. “Këtë do e them pas pak, se do konsultohem edhe me mamanë e djalit, po do jetë një emër shqiptar dhe pak tirons”, tha kreu i Bashkisë.
Në edicionin e tretë të Maratonës do marrin pjesë 5 mijë garues, nga 40 vende të botës.
