Diego Armando Maradona ka sulmuar legjendën e Interit, Javier Zanettin. Dy argjentinasit nuk kanë pasur kurrë raporte të mira mes tyre, ndoshta nga jeta që kanë për pasi Zanetti ka qenë gjithmonë një shembull si në fushën e lojës dhe jashtë saj, ndërsa Maradona është përfshirë në shumë skandale.
“Il Pibe de Oro” e trego hapur këtë “armiqësi” mes tyre kur nuk e ftoi në Botërorin e 2010-ës në kombëtare edhe pse Zanetti sapo kishte mbyllur një sezon fantastik me Interin, duke fituar troipletën. Në një intervistë për “TycSports”, Mardona ka sulmuar zëvendëspresidentin e Interit, pasi ky i fundit u shpreh disa ditë më parë se mund të jepte kontributin e tij për të ndihmuar Argjentinën, por kjo nuk i ka pëlqyer aspak Maradonës.
“Sot, federata argjentinase është një katastrofë. E kam fjalën për drejtuesit dhe për punën që ata po bëjnë. Njerëzit përreth Tapias (president i federatës) janë të korruptuar dhe nuk mund të bëjnë asgjë për të rimëkëmbur Argjentinën. Zanetti?
Është një nga ata që merret me të gjitha. Nëse Interit i duhet një president, ai del gjithmonë i pari. Nëse në një skuadër duhet një përgatitës fizik, e bën Zanetti. Por, ai mund të ulet edhe në stol nëse një lojtar është i dëmtuar. Nuk më pëlqen aspak kjo sjellje e tij, sepse kërkon të bëjë gjithçka”, ka thënë Diego Armando Maradona.
