Partia e VMRO-DPMNE-së, ka vijuar protestën edhe gjatë ditë së sotme para godinës së ministrisë së Drejtësisë. Zyrtarë të lartë dhe mbështetës të kësaj partie kërkojnë lirimin sa më të shpejtë të funksionarëve të partisë dhe deputetëve të cilë dyshohen në lidhje me dhunë në Kuvendin e Maqedonisë në muajin prill të këtij viti.
Mbi pjesëtarët dhe deputetët e VMRO-DPMNE-së rëndon akuza e “cenimit të rendit kushtetues dhe thyerjes së sigurisë”.
Ajo që ka rënë në sy në këtë protestë të së hënës, ishte mungesa e liderit të partisë, Nikolla Gruevski. Në protestën e kësaj të hëne, munguan edhe zyrtarë dhe përfaqësues të tjerë të VMRO-DPMNE-së, dhe kjo dukej qartë nga numri i vogël i protestuesve.
Ndërkohë protestuesit kanë bërë të ditur se do të vijojnë të qëndrojnë para ministrisë së Drejtësisë për të kërkuar lirimin e të arrestuarve për shkak të dhunës në kuvend.
