Lideri i Lidhjes Social Demokrate të Maqedonisë, Zoran Zaev, pas takimit me diplomatin amerikan nuk ka dhënë deklaratë për mediat. Por LSDM ka publikuar njoftimin, në të cilin theksohet se Zaev konsideron se janë shterur të gjitha kërkesat ‘jo të logjikshme të Ivanovit’ për dhënien e mandatit.
“Presidenti, Gjorge Ivanov, do të marrë njoftim nga kryetari i ri i Kuvendit se ekziston shumicë parlamentare demokratike me ç’rast do të kërkohet që i njëjti të veprojë sipas obligimit kushtetues, dhe të japë mandatin për formimin e qeverisë. Gjithashtu ekziston program për qeverinë reformatore, e cila e garanton unitetin, respekton Kushtetutën, perspektivën euro-atlantike të Maqedonisë”, thuhet në deklaratën e LSDM.
