Kryetari i Kuvendit Talat Xhaferi mbajti sot një takim koordinues me partitë parlamentare, që i paraparinë seancës parlamentare nga ku do votohet qeveria e re.
Sipas mediave, pjesë e takimit kanë qenë LSDM-ja e përfaqësuar nga Oliver Spasovski, BDI-ja nga Ejup Halimi, Aleanca për Shqiptarët nga Vesel Memedi, PDSH-ja nga Bardhyl Mamuti dhe Besa nga Afrim Gashi.
Ndërkohë në takim nuk ka marrë pjesë asnjë përfaqësues i VMRO-DPMNE-së.
Sipas Rregullores për punën e Kuvendit, mandatari e shpalos programin dhe propozimin për krijimin e Qeverisë para deputetëve.
Pas programit dhe përbërjes së Qeverisë, Kuvendi zhvillon debat të paktën dy ditë. Renditja e deputetëve të cilët do të marrin pjesë në debat e konfirmon kryetari i Kuvendit në mënyrën me të cilën siguron pjesëmarrje në debat të deputetëve nga partitë e ndryshme politike të përfaqësuara në Kuvend, parashikohet në Rregullore.
Votimi për zgjedhjen e Qeverisë bëhet sipas propozimit për krijimin e Qeverisë në tërësi me votim publik. Votimi bëhet pas përfundimit të debatit, ndërsa më vonë deri në orën 24:00. Qeveria është zgjedhur nëse për të ka votuar shumica nga numri i përgjithshëm i deputetëve. Kryetari i Kuvendit e njofton presidentin e shtetit për zgjedhjen e Qeverisë.
