Arrestime të bujshme kanë ndodhur në Maqedoninë e Veriut, ku prokuroria në Shkup ka vënë në pranga ish-kreun e Kuvendit të Maqedonisë, Trajko Veljanovski, si dhe ish-ministrin e arsimit dhe atë të transportit.
Prangosja e tyre lidhet me ngjarjet e dhunshme në kuvend me 27 prill 2017, pasi dyshohet se kanë organizuar ngjarjet e përgjakshme në kuvend.
Të arrestuarit janë marrë në pyetje nga gjykatësi në Gjykatën Penale, ndërkohë qe ish-kryetarit të kuvendit nuk mund t’i caktohet masa e paraburgimit për shkak të imunitetit të deputetit.
Arrestimi ka ardhur pas zbulimit të shumë tabulateve telefonike dhe komunikime mes tyre dhe të akuzuarve të tjerë, lidhur me dhunën e ushtruar në parlament ndaj deputeteve të LSDM, si dhe deputetëve shqiptarë.
