Disa shoqata maqedonase në Shtetet e Bashkuara të Amerikës kanë protestuar para ambasadës maqedonase në Washington. Diaspora e Bashkuar e Maqedonisë ka protestuar në lidhje me temat më të ndjeshme, të cilat janë prezente në tryezën e brendshme dhe të jashtme të Maqedonisë.
Disa nga “vatrat” që shqetësojnë më shumë maqedonasit që jetojnë në shtetet e Washington, Maryland, Virginia dhe Neë Jersey, si kryefjalë të bashkimit ishin çështja e emrit me Maqedoninë, por edhe votimi i ligjit për zyrtarizimin e gjuhës shqipe me 69 vota pro.
Diaspora maqedonase i ka dorëzuar ambasadorit, Vasko Naumjovski një sërë pikash, të cilat kërkohen t’i dërgohen Qeverisë së Maqedonisë dhe njëherësh Kuvendit.
Diaspora konkretisht ka kërkuar ndërprerjen e bisedimeve për emrin, “Veto” të kryetarit Ivanov për ligjin për gjuhët, regjistrimin e popullsisë, mos ndryshimin e historisë dhe statusit të Kishës Ortodokse të Maqedonisë, si edhe të kenë kujdes për maqedonasit në shtetet fqinje të Maqedonisë.
