Policia e shtetit ka reaguar ditën e sotme me një deklaratë ndaj një postimi të bërë në rrjetet sociale, ku shihej një makinë fuoristradë që bënte manovra të rrezikshme në qendër të qytetit të Hasit. Policia në postimin e saj më tej shkruan:
Pas postimit në rrjete sociale të një video ku një mjet fuoristradë bën shkelje dhe manovra të rrezikshme në qytetin e Hasit, shërbimet e DVP Kukes kanë ndaluar mjetin dhe ndëshkuar me masë administrative 40 mijë lekë, sipas Kodit Rrugor.
Ndaj dy punonjësve të policisë që nuk kanë reaguar ndaj shkeljes, ka filluar masa ndëshkimore për shkelje të rëndë disiplinore bazuar në Rregulloren e Policisë së Shtetit, për mos ushtrim të atributeve dhe kompetencave.
Policia e Shtetit falenderon mediat dhe qytetarët dhe i nxit të denoncojnë çdo rast, duke garantuar reagim të shpejtë dhe të ashpër.
