Ylli Manjani ish-ministri i Drejtësisë, mesditën e sotme ka publikuar një shkrim në llogarinë e tij personale Facebook që kishte të bënte me të shkuarën, gjithashtu dhe me jetën aktuale të ish-Kryeprokurorit Adriatik Llalla. Manjani në një farë mënyre tregohet i shqetësuar për “padrejtësitë” që po bëhen kundrejt ish-kryeprokurorit dhe familjes së tij. Ish-ministri i Drejtësisë thotë se familja Llalla ka qenë një familje e persekutuar që në kohën e ish-Diktatorit Enver Hoxha, dhe po njëlloj po trajtohet dhe në ditët e sotme.
Reagimi i plotë:
“Ironi e madhe e fatit!
Adriatik Llalla u persekutua familjarisht nga rregjimi i Enver Hoxhës.
Sot persekutohet po familjarisht, madje edhe pa gjyq, nga Ambasada Amerikane dhe nga DASH.!
Këto janë faktet e vetme që shohim ndaj familjes Llalla. Të tjerat janë komente, dyshime e hamendësime.
Me dyshime e hamendësime, pra pa prova të vërtetuara gjyqsisht, kishte dhe ka një radhë shumë të gjatë VIP-ash, përpara Adriatik Llallës, që duhen ndëshkuar…
Parimet e demokracisë na mësojnë se personi dënohet gjyqsisht që të quhet fajtor! Pra mirë do ishte ta dinim se cfarë korrupsioni “të rëndë” ka bërë zoti Llalla, që t’ja hiqnim vizën edhe ne!
Deri më sot nga perëndimi kishim mësuar se askush nuk ndëshkohet me hamendësime!
Tani sjemi më të sigurtë…
I bie që rregjimi i Enverit paska qenë “largpamës”….
Shumë e çuditshme!“- shkroi Manjani– shkroi Manjani
