Ish-ministri i Drejtësisë, Ylli Manjani, ka dalë kundër presidentit Meta, që sipas këtij të fundit marrëveshja e detit me Greqinë duhet të kalojë pas krijimit të Gjykatës Kushtetuese.
Sipas Manjanit, presidenti nuk ka pse të presë Gjykatën Kushtetuese, por duhet të ndalojë procesin. Mjaft i revoltuar, përmes një statusi në Facebook, ai shkruan se Meta nuk ka arsye pse të presë Gjykatën Kushtetuese, për të denoncuar një proces fals negociatash, të diktuar nga qeveria greke.
Për Manjanin, ai proces diktati, i pranuar nga Qeveria jonë, ka prodhuar një draft marrëveshje dhe një hartë skandaloze, që është shkëmbim i pastër territori.
