Manchester United në sulm për Dybala, Pogba bën ndërmjetësin

Juventusi i ka vendosur çmimin sulmuesit argjentinas Paulo Dybala, ai do të vlejë 200 milionë euro. Pas kësaj deklarate janë vënë në lëvizje direkt disa nga klubet e mëdha të kryesuara nga Manchester United. Këta të fundit e shohin si shpëtimtarin pas dëmtimeve dhe formës jo të mirë që po kalon dyshja Lukaku-Ibrahimoviç. Djajtë e Kuq janë të gatshëm të hapin negociatat me bardhezinjtë dhe mediat angleze kanë raportuar se oferta që do të shkojë drejt Torinos është 15o milionë euro. Kjo shumë mund ti bindë juventinët dhe të lejojnë kalimin e tij në Premier League që në merkaton e janarit.

Duket se trajneri Jose Mourinho ka vendosur të heqë dorë nga pista që sjell në Manchester francezin Griezmann dhe kërkon që të investojë te një talent tjetër, pikërisht te Dybala. Skuadrat kanë kryer një vit e gjysmë më parë një tjetër marrëveshje të rëndësishme, sic ishte ajo e Paul Pogba, ndaj kjo gjë mund të përsëritet sërish këtë vit. Francezi duket se po bind Dybala të transferohet në Manchester, ndërkohë që edhe sponsorët Joya e Adidas do të ndihmojnë në këtë transferim marramendës.