Arsenal dhe Manchester City përpos vështirësive që përjetuan në kualifikimin e Carabao Cup, tani duhet të presin edhe ndonjë ndëshkim që mund ti përjashtojë nga ky kompeticion. City i Guardiolas u kualifikua pas 120’ minutash dhe goditjes së penalltive përballë Wolves. Ndërsa Arsenal ishte në të njëjtën pozitë, por arriti ta përmbysë Norwic pa u goditur 11-metërshat.
Por ku gabuan dy teknikët që mund të përjashtohen? Në rregulloren e Carabao Cup, çdo skuadër ka të drejtën të bëjë 3 zëvendësime gjatë 90’ minutave dhe në rast se ndeshja do të shkonte në shtesa atëherë mund të bëjnë edhe një zëvendësim tjetër.
Guardiola gjatë 90’ minutave bëri vetëm një zëvendësim, në momentin e kohës shtesë ai bëri edhe tre zëvendësimet e mbetura duke llogaritur edhe atë shtesë. Ndërsa Wenger kishte bërë dy zëvendësime gjatë kohës së rregullt ndërsa dy të tjerët u bënë në exsta time. Kjo është pika ku dyshohet se kanë gabuar teknikët be dy gjigantëve anglezë. Por në rregullore nuk është e përcaktuar nëse në kohën shtesë duhet bërë vetëm zëvendësimi i cili është bonos apo mund të përfshihen edhe ata të kohës së rregullt, raporton The Sun.
Opinioni publik i gazetarëve është ndarë në dy anë ata që besojnë se ishte një gabim nga ana e teknikëve dhe nga ana tjetër ata që u japin të drejtë dhe besojnë se nuk do të penalizohen për veprimin pasi është i rregullt. Shumë shpejt pritet të mblidhet një komision i veçantë për këtë episod dhe të dalë në një njoftim zyrtarë se çfarë do të ndodhë me këto skuadra.
