Ministrja e Shëndetësisë, Ogerta Manastirliu ka vizituar Urgjencën Kombëtare nga ku ka njoftuar se deri në fund të vitit do i shtohen edhe 36 autoambulanca të reja.
Manastirliu theksoi se do të dyfishohen ekipet e terrenit të Urgjencës Kombëtare për të përballuar sfidën e trajtimit në banesë të pacientëve me COVID-19, sa i përket rasteve ambulatore.
Po ashtu ajo tha se maska prej të enjtes duhet të jetë një detyrim për gjithë qytetarët kurse theksoi se është në dorën e tyre për të ulur infektimet nga COVID-19 ose jo.
Postimi i Manastirliut në Facebook
QENDRA KOMBËTARE E URGJENCËS MJEKËSORE
Ministrja Manastirliu me ekipet e reja të urgjencës kombëtare, për të siguruar mbështetjen për rritjen e kapaciteteve për të ofruar shërbimin në banesë të qytetarëve të prekur nga COVID19.
Dyfishojmë ekipet e terrenit të urgjencës kombëtare për trajtimin në banesë.
Edhe 36 autoambulanca të reja do t’i shtohen flotës së urgjencës kombëtare.