Komisioni i Shëndetësisë në Kuvend diskutoi të martën ndryshimet në ligjin për pajisjet mjekësore që forcon masat në kontrollin e tregut të pajisjeve mjekësore, duke futur në procedurë procesin e regjistrimit që në doganë.
“Monitorim të gjithë zinxhirit, nga prodhimi, importi, deri në daljen në treg dhe ruajtjen e pajisjeve mjekësore, duke filluar nga pajisjet dentare të implantueshme e deri te pajisjet mjekësore të teknologjisë së lartë, për të garantuar më shumë siguri për pacientët, qytetarët dhe përdoruesit!”, tha ministrja e Shëndetësisë dhe Mbrojtjes Sociale, Ogerta Manastirliu.
