Një 24-vjeçar shqiptar është shpallur në kërkim nga policia e Maltës, pasi akuzohet si një nga autorët e një grabitjeje të një dyqani diamantesh.
Grabitja ndodhi ditën e enjte në Sliema, ndërsa i riu shqiptar është identifikuar si Ramazan Hysa.
Ky i fundit, së bashku me një person tjetër, ka grabitur dyqanin e bizhuterive të Diamond International. Ata kanë qenë të maskuar dhe kishin vënë paruke, ndërsa mësohet se kanë pasur edhe shotgun e sëpatë me vete, duke sulmuar shitësin dhe një punonjës sigurie në kompleksin e Tigne.
Grabitësit morën disa bizhuterive me vlerë mijëra euro dhe u larguan me një makinë të bardhë, të cilën e braktisën në Gzira dhe më pas u arratisën me biçikletë.
Policia ka bërë apel ndaj kujtdo që ka informacion të njoftojë nëpërmjet numrave 119/ 21 224001 ose Distriktin Sliema në 2294 3351, ndërsa sipas Malta Today, policia ka lëshuar edhe një urdhër arresti evropian.
