Avokati 42 vjeçar Robert Abela është zgjedhur lider i partisë laburiste malteze, duke u bërë automatikisht edhe kryeministër pas dorëheqjes së Joseph Muscat. Ky i fundit dha dorëheqjen pas akuzës për ndërhyrje në hetimet për vrasjen e gazetares investigative Daphne Caruana Galizia.
Abela është djali i ish presidentit George. Ai është zgjedhur nga shumica e 17.500 zgjedhësve laburistë, që kanë votuar për herë të parë direkt për liderin e tyre. Ai garonte me kirurgun 52 vjeçar Chris Fearne, zëvëndëskryeministër në ikje.
Abela është një aktivist i hershëm i partisë laburiste dhe është bërë anëtar i parlamentit maltez në zgjedhjet e fundit të vitit 2017. Ai do të jetë kryeministër për vetëm 2 vite e gjysëm, deri në shtatorin e vitit 2022. Burimi ANSA/SCAN
