Kreu i Departamentit të Mjedisit në PD, Jamarbër Malltezi, ka denoncuar punësimet familjare që ka bërë kreu i Komisionit Hetimor ndaj presidentit Meta, Ulsi Manja, pasi u bë deputet. Me anë të një postimi, Malltezi shkruan me ironi ‘Rroftë reforma’, si dhe ka publikuar listën e familjarëve të Ulsi Manjës, të punësuar në drejtori të rëndësishme në Dibër dhe në Tiranë.
Teksa ka publikuar një listë me të punësuarit e Manjës nga familja e tij, Malltezi thotë me ironi se nuk ka arsye pse të çuditemi se pse fëmijët zgjedhin që të emigrojnë. Lista është e gjatë, dhe në të përfshihen vëllezërit me nuset e tyre.
Postimi i plotë:
‘Rrofte reforma, rroft edvini, rrofte uniteti, rrofshin trushpelaret… pastaj cuditemi pse femijet tane perbuzin te rrijne ne kete mysybet’, shkruan në Facebook Jamarbër Malltezi.
