Arkitekti i njohur Maks Velo ka folur në lidhje me shembjen e banesave si pasojë e tërmetit 6.4 ballë që tronditi vendin mëngjesin e së martës.
I ftuar në emisionin “Open” në Top Channel, Velo u pyet nga moderatorja se pse janë rrëzuar këto banesa dhe nuk janë rrëzuar ato të cilat ndodhen ngjitur tyre.
Arkitekti tha se këto ndërtesa janë bërë në shkelje me kodin e ndërtimit, duke ironizuar me shprehjen “kjo ndodh për faj të kokës dhe jo për faj të tokës”.
“Unë mendoj se në këto ndërtesa janë bërë shkelje në kodin e ndërtimit. Kjo ndodh për faj të kokës dhe jo për faj të tokës. Shtresat janë një nga arsyet kryesore që e dobësojnë një ndërtesë, nëse një ndërtesë është projektuar për 5 kate, në Shqipëri bëhet 8 kate dhe kjo ndikon jo pak. Po ashtu janë dhe shumë faktorë në ne mund ti analizojmë, si marka e betonit, kolonat mbështetëse, fakti që shumë ndërtesa që ishin ngjitur me ndërtesat nuk kanë pësuar pasoja e konfirmojnë këtë gjë”, tha ai.
