Një makinë ka përplasur një këmbësore pasditen e së shtunës në Rrugën e “Dibrës”, në kryeqytet.
Sipas policisë, aksidenti ka ndodhur rreth orës 16:05, kur mjeti me targa AA 742 MP dhe drejtues V. Sh., ka aksidentuar këmbësoren 64-vjeçare B. Sh.
Gruaja e aksidentuar është transportuar menjëherë për ndihmë mjekësore në Spitalin Ushtarak, ku ndodhet në gjendje të rëndë për jetën.
Policia ka mbërritur në vendngjarje ku po kryen veprimet ndaj drejtuesit të mjetit.
