Një mjet është përfshirë nga flakët në aksin Librazhd- Elbasan. Fatmirësisht nuk raportohet për të lënduar, e ndërsa forcat zjarrfikëse kanë ndërhyrë për rikthimin e situatës drejt normalitetit. Nga të dhënat paraprake, policia bën me dije se zjarri ka ardhur si pasojë e një defekti teknik.
“Në aksin rrugor Elbasan–Librazhd, mjeti tip “Mitsubishi” me targa AA 396 DJ, me drejtues shtetasin S.M, 31-vjeç, banues në Tiranë, në ecje e sipër ka marrë flakë.
Si pasojë e flakëve ka vetëm dëme materiale, ku mjeti është djegur plotësisht.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes. Por nga hetimet paraprake dyshohet se zjarri ka ardhur si pasojë e një defekti teknik”.
