Një 34-vjeçar shqiptar ka rënë në pranga, teksa policia italiane i ka zbuluar në automjetin me të cilin udhëtonte plot 7 kg kokainë të pastër, e ndarë në 6 pako.
Mësohet se shqiptari udhëtonte me një automjet Hyundai, në pronësi të së ëmës, në veri të Modenas. Shkak për ndalimin e tij u bënë gjobat që rezultuan të papaguara pas verifikimit të targës nga policia.
Por, gjatë kontrollit policia ka dyshuar kur ka parë tapicerinë që ishte shumë më e lartë se zakonisht. 34-vjeçari, me vendbanim në Treviso, përfundoi në burg në Bolonja. Vlera e mallit të sekuestruar llogaritet në 1 milionë euro.
