Duket se aksidentet nuk kanë të ndalur sot në vendin tonë. Një mjet ka humbur kontrollin, e për pasojë ka përplasur dy gra, identiteti i të cilave ende nuk dihet. Ngjarja është shënuar paraditen e sotme, pranë parkut qendror të qytetit të Fierit.
Një automjet ka dalë jashtë, duke përfunduar në trotuar. Për pasojë ka përplasur dy gra. Një prej tyre ka thyer këmbën, si pasojë e përplasjes.
Me të marrë njoftim për këtë aksident, një ambulancë ka transportuar për në spital të plagosurat.
